मौद्रिक नीतिले पर्ख र हेर भन्छः बैंकर मनोज ज्ञवाली

काठमाडौं- नबिल बैंकका डेपुटी सीईओ मनोज ज्ञवालीले राष्ट्र बैंकले आइतबार सार्वजनिक गरेको मौद्रिक नीतिले पर्ख र हेर भनेको बताएका छन्। ‘मौद्रिक नीति जिम्मेवारीबोध सहित काम गरेर बनाइएको,  अपेक्षित अनि पर्ख र हेर भन्ने आसय सहित आएको देखिन्छ,’ ज्ञवालीले बताएका छन्।

मौद्रिक नीति जारी भएपछि ज्ञवालीले सामाजिक सञ्जाल फेसबुकममार्फत उक्त टिप्पणी गरेका हुन्। मौद्रिक नीतिमा धेरै अपेक्षा नगरिएको र तरलताका विषयमा राष्ट्र बैंक खुकुलो हुन नचाहेको ज्ञवालीले दाबी गरेका छन्।

‘समस्याहरु पहिचान भइसकेको तर नियामकीय व्यवस्थामा नीतिगत परिवर्तन गर्नुपर्ने अवस्था भएमा केही पछि गरिने गरी पुनरावलोकन गरिने भन्ने वाक्यांश सहित ढाडस दिन खोजेको देखिन्छ,’ उनले उल्लेख गरेका छन्।