एनपिएलमा आज दुई खेल: काठमाडौं–चितवन पहिलो भिडन्त

नेपाल प्रिमियर लिग (एनपिएल) मा दोस्रो सिजनमा आज पनि दुई खेल हुँदैछन्।

काठमाडौं गोर्खाज र चितवन राइनोज‌बीच पहिलो खेल हुँदैछ। चितवनका कप्तान कुशल मल्लले टस जितेर फिल्डिङ रोजेका छन्।

करण केसीको कप्तानीमा रहेको काठमाडौंले पहिला ब्याटिङ गर्नेछ। काठमाडौंले यसअघि कै टोलीलाई निरन्तरता दिएको छ। चितवनले अमरसिंह राउटेलाको ठाउँमा रिजन ढकाललाई प्लेइङमा राखेको छ।

काठमाडौं र‌ चितवन दुबै टोलीले पछिल्लो खेल जितेको छ। पछिल्लो खेलमा काठमाडौं कर्णाली याक्सलाई र चितवनले विराटनगर किङ्सलाई हराएको छ।

चितवनका ३ खेलमा २ जित र १ खेलमा हार बेहोरेको छ। काठमाडौंले समान २ खेलमा जित र हार भोगेको छ।

दुबैको‌ समान ४ अंक हुँदा चितवन तेस्रो त काठमाडौं चौथो स्थानमा छ। शीर्ष दुईमा सुदुरपश्चिम रोयल्स र विराटनगर छन्। आज विराटनगर र कर्णालीबीच दोस्रो खेल हुनेछ।