इमर्जिङ टिम्स एसिया कपमा पुग्न नेपालले हङकङसँग खेल्ने भने युएईले ओमानसँग एसीसी प्रिमियर कप फाइनल खेल्ने

नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ ।

एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो ।

फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ । त्यसअघि पहिलो सेमिफाइनल नेपाललाई ६ विकेटले हराउँदै फाइनलमा स्थान बनाएको थियो ।

प्रिमियर कपको तेस्रो हुने टोलीले इमर्जिङ टिम्स एसिया कप खेल्नेछ । त्यसका लािग नेपालले हङकङको चुनौती समाप्त पार्नुपर्ने हुन्छ । इमर्जिङ टिम्स एसिया कपमा भारत, पाकिस्तान, बंगलादेश, श्रीलंका र अफगानिस्तानको ए टोलीको सहभागिता रहनेछ ।

प्रिमियर कपको एकै समूहबाट नेपाल विजेता र हङकङ उपविजेता रुपमा सेमिफाइनल पुगेका थिए । समूह चरणमा नेपालले हङकङलाई ८ विकेटले हराएको थियो ।

संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो ।

त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी रहँदै ५ विकेट गुमाएर १ सय ३२ बनाएको थियो ।

ओमानका अर्धशतक बनाएका अकिब इलियास नआउट रहे । इलियासले ५१ बल खेल्दै ४ चौका र २ छक्काका साथ सर्वाधिक ६२ रन जाडे । खालिद नटआउट १६ रनमा रहँदा कप्तान जिसान मक्सुदले १५,आयन खान १२ र प्रतिक आठवले ११ रन बनाए । हङकङका एजाज खानले ३ विकेट, आयुष शुक्ला र अतिक इकबालले समान १ विकेट लिए ।

त्यसअघि ओमानले टस जितेर हङकङलाई पहिले ब्याटिङको लागि आमन्त्रण गरेको थियो । हङकङका जिसानले सर्वाधिक ३६, बाबर हायतले ३३, कप्तान निजाकत खानले १९, मार्टिन कोट्जीले १२, यासिम मुर्तजाले ११ ले ११ रन बनाउँनु अन्य ब्याटरले दोहोरो अंकमा रन बनाउन सकेनन् ।

ओमानका विलाल खान, अकिब ल्यासले समान ३ विकेट, कलेमुल्लाह, फायाज बट र जेशान मक्सुदले समान १ विकेट लिए ।