युक्रेनी ड्रोन आक्रमणपछि दक्षिणी रुसका १३ विमानस्थल अवरुद्ध

दक्षिणी रुसको एयर नेभिगेसन शाखाको प्रशासनिक भवनमा युक्रेनी ड्रोन आक्रमण हुँदा दक्षिणी रुसका १३ वटा विमानस्थल अवरुद्ध भएका छन् । साे जानकारी रुसी यातायात मन्त्रालयले शुक्रबार दिएकाे हाे ।

दक्षिणी रुसभरिको हवाई ट्राफिक व्यवस्थापन गर्ने रोस्तोभ-अन-डनस्थित क्षेत्रीय हवाई ट्राफिक नियन्त्रण केन्द्रमा आक्रमणपछि अस्थायीरूपमा समायोजन गरिएको मन्त्रालयले एक विज्ञप्तिमा जनाएको छ।

विज्ञप्तिमा भनिएको छ, “सेवामा रहेका सबै कर्मचारी सुरक्षित छन् र विशेषज्ञहरूले उपकरणको सञ्चालन स्थिति मूल्याङ्कन गरिरहेका छन् ।”

मन्त्रालय र सङ्घीय हवाई यातायात एजेन्सीले उडान तालिकाहरू परिमार्जन गर्न र क्षेत्रमा हवाई ट्राफिक व्यवस्थापन प्रक्रियाहरू परिमार्जन गर्न एयरलाइन्स र विमानस्थलहरूसँग समन्वय गरिरहेका छन् ।