पुस २९ काठमाडौँ उपत्यका बन्द: ३० बुँदे जनपक्षीय मागसहित चेतावनी

काठमाडौं,
देश र जनताका जायज माग पूरा गर्न विभिन्न क्रान्तिकारी र समाजवादी दलहरूको संयुक्त मोर्चाले पुस २९ गते काठमाडौँ उपत्यकाव्यापी शान्तिपूर्ण बन्द आह्वान गरेको छ।

केन्द्रीय संयुक्त संघर्ष समितिका संयोजक सीपी गजुरेलले वर्तमान सरकारलाई जनविरोधी, अलोकतान्त्रिक र कठपुतलीको संज्ञा दिँदै चेतावनी दिएका छन्। उनीहरूले भनेका छन्
-जनपक्षीय व्यवस्था निर्माण नगरी जनता र राष्ट्रको आवाज सुनुवाइ हुन सक्दैन। आजको परिस्थितिमा जनपक्षीय व्यवस्था स्थापना अपरिहार्य छ।

जनताको प्रमुख मागहरू

• भ्रष्टाचार र दमनको छानबिन: भदौ २३ को गोली प्रकरणका दोषी जेल पठाउन, सबै भ्रष्टाचार काण्डको विशेष छानबिन।
• श्रमिक र कर्मचारी अधिकार: न्यूनतम तलब दोब्बर, राष्ट्रपति-प्रधानमन्त्रीको तलब मजदुर सरह, सेना-प्रहरी तल्लो दर्जा कर्मचारीको तलब दोब्बर।
• युवाको रोजगारी: १% ब्याजदरमा २० लाख ऋण, राष्ट्रिय उद्योग र रोजगारी सिर्जना।
• शिक्षा र स्वास्थ्य: माध्यमिक तहसम्म निःशुल्क शिक्षा, १२ कक्षासम्म विद्यार्थीलाई मासिक ५०० भत्ता, सम्पूर्ण नागरिकको स्वास्थ्य सेवा निःशुल्क।
• महिला, किसान, मजदुर अधिकार: घरेलु कामको मूल्यांकन, महिलाको ५१% प्रतिनिधित्व, रासन कार्ड प्रणाली।
• राष्ट्रिय सुरक्षा र स्वाधीनता: एमसीसीसहित असमान सम्झौता खारेज, मौलिक भाषा-
• संस्कृति संरक्षण, ५० लाख प्रवासीको मताधिकार सुनिश्चित।
• राजनीतिक चेतावनी: जनविरोधी सरकार बर्खास्त, स्वाधीन संयुक्त जनसरकार र जनपक्षीय व्यवस्थाको स्थापना जरुरी, जनसंविधान सुनिश्चित नगरी हुने चुनाव बहिष्कार।

पुस २९ को बन्दले उपत्यकामा जनपक्षीय आन्दोलनको माहोल निर्माण गरेको छ। आयोजकहरूले शान्तिपूर्ण कार्यक्रम हुने दाबी गरेका छन्। अब प्रश्न उठेको छ-
जनताको माग सुनिन्छ कि सडकले फेरि अर्को जनविद्रोह सृष्टि गर्छ?