फिल्म ‘मैझारो’ ले पायो प्रदर्शन अनुमति

काठमाडौँ । कात्तिक ७ गते शुक्रबार प्रदर्शनमा आउने फिल्म ‘मैझारो’ ले प्रदर्शन अनुमति पाएको छ । केन्द्रीय चलचित्र जाँच समिति (सेन्सर बोर्ड) ले फिल्म हेर्दै युनिभर्सल (सबैले हेर्न मिल्ने) प्रमाणपत्रसहित प्रदर्शन अनुमति दिएको हो ।

हास्य कलाकार विल्सनविक्रम राईको लेखन तथा निर्देशन रहेको फिल्म पूर्वी पहाडको जीवनशैली, संस्कृति र सामाजिक यथार्थमा बनेको हो । फिल्मको कथा, पटकथा र निर्देशन राई स्वयंको छ ।

फिल्ममा धिरज मगर, मिरूना मगर, दिया पुन, सुनिल थापा, कविता आले, पुष्कर गुरुङ, अभयराज बराल, उदय सुब्बा, बुद्धि तामाङ, रजनी गुरुङ, विशाल लिम्बू, सुभाषसिंह ठकुरी लगायतको अभिनय रहेको फिल्ममा सङ्गीत अनमोल गुरुङ र तोरणेम्पा हाङ राईको छ ।

‘तक्मे प्रोडक्सन’ को ब्यानरमा निर्माण भएको यो फिल्मको छायाङ्कन सौरभ लामाले गरेका हुन् । फिल्मका निर्मातामा डीबी राई र सरिना लामा रहेका छन् ।