हास्यकलाकार कृष्ण अभिषेकले गोविन्दालाई सम्झिँदै भने, ‘भगवानले यो झगडा अन्त्य गरून्’

मुम्बई । हालै अभिनेता-हास्य कलाकार कृष्णा अभिषेकले आफ्नो डान्स भिडियोमा आफ्ना मामा गोविन्दालाई ट्याग गरेका छन् । मिडियासँग कुरा गर्दै कृष्णा अभिषेकले गोविन्दा र उनकी श्रीमती सुनितालाई धेरै माया गर्ने भएकाले चाँडोभन्दा चाँडो सुल्झाउन चाहेको बताएका थिए ।

यद्यपि गोविन्दाले आफ्नो तर्फबाट यसबारे स्पष्ट पारिसकेका छन् । उनले आफूलाई कृष्णप्रति कुनै द्वेष नभएको बताए । कृष्णा अभिषेक गोविन्दाकी बहिनी पद्माका छोरा हुन् ।

कृष्णा अहिले पनि दुई परिवारबीचको सम्बन्ध सुध्रिने प्रतीक्षामा छन् । तर सन् २०२२ मा मनिष पलको पोडकास्टमा, गोविन्दाले भनेका थिए, ‘तिमी दुवैप्रति मेरो कुनै रिस छ भनेर कहिल्यै नसोच। म तिमीलाई माफ गर्छु, भगवानले तिमीलाई आशिष् दिउन् ।’

वास्तवमा सन् २०१६ देखि गोविन्दा र कृष्णा अभिषेकबीच झगडा चलिरहेको छ । कृष्णा अभिषेककी पत्नी कश्मिरा शाहले गरेको ट्विटपछि गोविन्दा र उनकी श्रीमती सुनिता आहुजा अभिषेक र कश्मिरासँग रिसाएका थिए । सन् २०२१ मा पनि सुनिता–कश्मीराले एकअर्कामाथि टिप्पणी गरेका थिए ।