काभा क्लब च्याम्पियनसिपमा नेपाल पुलिसको लगातार जित

सोमबार भएको आफ्नो जित निकाल्ने क्रममा पुलिसले श्रीलंका एयर फोर्सलाई ३-० को सोझो सेटमा पराजित गरेको हो।

पुलिसले पहिलो सेट २५-१६ ले सहज रुपमा आफ्नो पक्षमा पार्‍यो। दोस्रो सेटमा पुलिस २५-२० ले विजयी भयो।

तेस्रो सेटमा उत्कृष्ट पुनरागमन गरेको पुलिसले २५-२१ ले जित निकालेपछि ३-० को सेटमा विजयी भयो।

नेपालको च्याम्पियन क्लबको हैसियतमा प्रतियोगितामा भाग लिएको पुलिसले आइतबार भएको खेलमा उज्वेकिस्तानको हुमो भिसीलाई ३-० को सोझो सेटमा पराजित गरेको थियो।  प्रतियोगितामा पुलिसले तेस्रो खेलमा मंगलबार ताजकिस्तानको भिसिडीसँग प्रतिस्पर्धा गर्नेछ।

प्रतियोगितामा नेपाल, माल्दिभ्स, उज्वेकिस्तान, श्रीलंका, ताजकिस्तान र कीर्गिस्तानका क्लबको सहभागिता छ।