लोकल कन्फरेन्स ओफ युथ २०२४ मा युवाहरुको  एक्यवद्धता, जलवायु परिवर्तनको सामना गर्न आगामी पुस्तालाई सशक्तीकरण

प्रेश विज्ञप्ती:

मिति: २०८१/०३/०८

काठमाडौं, नेपाल: लोकल कन्फरेन्स ओफ युथ २०२४ मा युवाहरुको  एक्यवद्धता, जलवायु परिवर्तनको सामना गर्न आगामी पुस्तालाई सशक्तीकरण ।

लोकल कन्फरेन्स अफ युथ  २०२४ (LCOY Nepal 2024) ले वर्तमान समयको सबैभन्दा महत्त्वपूर्ण मुद्दा जलवायु परिवर्तनको सामना गर्न देशभरका युवा जलवायु अभियन्ता , विद्यार्थी , बालबालिका र विविध भाषा तथा संस्कृतिका अगुवाहरुलाई एकै ठाउँमा ल्याउने भएको छ । आगामी श्रावण १९ र २० गते काठमाडौँमा हुन लागेको यस सम्मेलनको उद्देश्य युवा आवाजलाई सशक्त बनाउनुका साथै जलवायु परिवर्तन र दिगो विकासका लागि सामूहिक प्रयासलाई बढावा दिनु हो ।

युथ एक्सन फर सस्टेनेबल एण्ड इको नेपाल (YASEN, यासेन) र सस्टेनेबिलिटी वीक काठमाडौं (SWK, एसडब्लुके) को संयुक्त आयोजना  र युनिसेफ नेपाल (UNICEF) ,  नेक्स्ट लिडर्स इनिसियटिभ फोर सस्टेनबिलीटी – नेलिस नेपाल (NELIS NEPAL) ,  वर्ल्डस युथ फर क्लाइमेट जस्टिस (WYCJ) सँगको साझेदारीमा   आयोजित एलकोय नेपाल २०२४ मा राष्ट्रिय रूपमा निर्धारित योगदान (एनडीसी) मा बालबालिका र युवा संलग्नता (Children and Youth Engagement in Nationally Determined Contributions ), जलवायु परिवर्तनद्वारा हानि र क्षतिको सम्बोधन (Loss and Damage), युवा क्षमता विकास र नेटवर्किङ (Capacity Building and Networking), र जलवायु उत्थानशीलताका लागि आदिवासी र स्थानीय  ज्ञान (Indigenous and local knowledge for climate resilience ) समावेश गर्ने जस्ता महत्वपूर्ण विषयमा केन्द्रित वर्कशप कार्यशाला, प्यानल छलफल, क्षमता विकास साथै अन्तरक्रियात्मक सत्रहरू हुनेछन्। कार्यक्रममा विद्यार्थी, युवा पेसाकर्मी, अधिकारकर्मी र विभिन्न क्षेत्रका प्रतिनिधि गरी २०० जना भन्दा बढीको सहभागिता रहने अपेक्षा गरिएको छ ।

‘युवा परिवर्तनका उत्प्रेरक हुन्, दिगो विकासका लक्ष्य हासिल गर्न युवाको सक्रिय सहभागिता आवश्यक छ,’  एल्कोय नेपाल २०२४ की फोकल पोइन्ट  दीक्षा सुवेदीले भन्नुभयो। । उहाँको अनुसार, “एल्कोय नेपाल २०२४ ले युवाहरूलाई आफ्ना विचारहरू साटासाट गर्न, समान विचारधारा भएका व्यक्तिहरूसँग नेटवर्क गर्न र हाम्रा समुदायहरूले सामना गरिरहेका जलवायु चुनौतीहरूलाई सम्बोधन गर्न कार्ययोग्य योजनाहरू विकास गर्न एक प्लेटफर्म प्रदान गर्दछ।”

एल्कोय नेपाल २०२४ ले युथ एक्स्पोको आयोजना गर्नुका साथै युवाहरुको नेतृत्वमा नवप्रबर्तनात्मक परियोजनाहरु र पहलहरुको प्रदर्शन गर्नेछ । यस एक्स्पोको उद्देश्य नेपालका युवाहरूले जलवायु समस्याहरूको सामना गर्न र परियोजना विस्तार र सहकार्यको लागि एक प्लेटफर्म प्रदान गर्न विकसित गरिरहेका रचनात्मक समाधानहरू उजागर गर्नु हो।

यसै सम्मेलन का अर्का फोकल पोइन्ट अंकित पौडेलले भन्नुभयो, “हामीलाई विश्वास छ कि युवा नेताहरूलाई सशक्तीकरण गरेर र उहाँहरूलाई आवश्यक उपकरण र ज्ञान प्रदान गरेर, हामी एक तरंग प्रभाव सिर्जना गर्न सक्दछौं जसले नेपालभरका समुदायहरूलाई लाभान्वित गर्नेछ। “युवा सम्मेलन नेपाल २०२४ दिगो र जलवायु अनुकूल भविष्यको यात्राको महत्वपूर्ण कदम हो,” उहाँले भन्नुभयो।

एल्कोय नेपाल २०२४ का लागि सहभागिता दर्ता यही आषाढ १४ गतेदेखि खुला भएको छ । थप जानकारीका लागि र दर्ता गर्नका लागि  यहाँहरुले एल्कोय नेपालको सामाजिक सञ्जालहरुमा अथवा  lcoynepal2024@gmail.com मा ईमेल गर्न सक्नुहुनेछ।

एल्कोय नेपाल एक अग्रणी गैरनाफामुलक पहल हो जुन युवा सशक्तीकरण र दिगो विकासका लागि समर्पित छ । हामी विभिन्न कार्यक्रम र पहलहरू मार्फत, हामी युवाहरूलाई सक्रिय, सूचित र  नीति निर्माणमा संलग्न नागरिकहरू बन्न, विशेष गरी जलवायु परिवर्तनविरुद्धको लडाइँमा समर्थन गर्ने लक्ष्य राख्दछौं।

थप जानकारीको लागि,

कृपया सम्पर्क गर्नुहोस्: 

lcoynepal2024@gmail.com 

एल्कोय नेपाल २०२४ फेसबुक