२३ असोज, काठमाडौं । इन्टर्न चिकित्सकको निर्वाह भत्ता बढाउने माग राखेर दोस्रो पटक अनसनरत बसेका डिल्ली हरिजन र सरकारबीच सहमति भएको छ ।
उनका मागलाई चिकित्सा शिक्षा शिक्षा आयोगको बैठकमा लैजाने गरी तीन बुँदे सहमति भएको हो । उनी ५ दिनदेखि अनसनरत थिए
सरकारका तर्फबाट शिक्षा तथा खेलकुल मन्त्रालयका सहसचिव जयराम अधिकारी नेतृत्वको वार्ता टोली र हरिजन पक्षबीच सहमति भएको हो ।
सहमतिअनुसार एमबीबीएस, बीडीएसलगायत एकवर्षे इन्टर्नसिपमा स्वास्थ्य सेवाको आठौँ तहको प्रारम्भिक तलबमानको ५० प्रतिशत बराबर निर्वाह भत्ता उपलब्ध गराउने विषयमा चिकित्सा शिक्षा आयोगको बैठकमा पेस गरिनेछ ।
हरिजन गत साउनमा पनि अनसन बसेका थिए । सरकारले माग सम्बोधन गर्ने भन्दै साउन २२ गते उनीसँग सम्झौता गरेको थियो ।
आफूसँग भएको सम्झौता सरकारले कार्यावन्यन नगरेको भन्दै हरिजनले पुन:अनसन सुरु गरेका थिए । उनी भक्तपुरस्थित चिकित्सा शिक्षा आयोगको परिसरबाट अनसन सुरु गरेका थिए । स्वास्थ्य अवस्था बिग्रिँदै गएपछि वीर अस्पताल पुर्याइएको थियो ।
सहमतिपत्र :
