वेस्ट ब्याङ्कमा इजरायली सेनाको छापा: छ जना प्यालेस्टिनी गिरफ्तार

 इजरायली कब्जामा रहेका सेनाले सोमबार कब्जा गरिएको वेस्ट ब्याङ्कबाट छ जना प्यालेस्टिनीलाई पक्राउ गरेको  जनाएको छ । प्यालेस्टिनी समाचार एजेन्सी (डब्लु ए एफ ए) ले आक्रमणकारी सेनाले सहरमा आक्रमण गरी छापा मारेपछि नब्लसमा दुई प्यालेस्टिनीलाई पक्राउ गरेको रिपोर्ट गरेको छ ।

वादी अल-हरियामा रहेको घरमा छापा मारेर उनीहरूले अर्का एक जना प्यालेस्टिनीलाई पनि पक्राउ गरेको जनाइएको छ । कब्जा गर्ने सेनाले हेब्रोनको उत्तरी प्रवेशद्वारमा र बेत उमर, साएर र हलहुल सहरको प्रवेशद्वारमा सैन्य चौकी स्थापना गरी तिनीहरूले सवारी साधन रोकेर तिनीहरूको खोजी गरी यात्रुको परिचयपत्र निरीक्षण गरेर नियनत्रणमा लिएको जनाइएको छ ।

बेथलेहेममा सेनाले अल-रसायदा गाउँ र जातारा सहरमा छापा मारेर तीन प्यालेस्टिनीलाई पक्राउ गरेको जनाएको छ । यसैबिच, सोमबार कब्जा गरिएको जेरुसेलमको उत्तरमा रहेको अल-राम सहरको विलय र विस्तार पर्खाल नजिकै इजरायली कब्जा बलको गोली हानाहानमा एक प्यालेस्टिनी घाइते भएको जनाइएको छ ।