चन्द्रपुर बेतौना क्रिकेट मैदानमा जारी जय नेपाल कपको फाइनलमा सिन्धुरेघारी मल्टिपल क्याम्पस विजयी, ६८ रनको शानदार जित

रौतहट, चन्द्रपुर बेतौना  — ‘जय नेपाल कप’ अन्तर्गत भएको फाइनल खेलमा सिन्धुरेघारी मल्टिपल क्याम्पस (चापुर) ले मध्य रौतहट मल्टिपल क्याम्पस (गरुडा) लाई ६८ रनले पराजित गर्दै उपाधि हात पारेको छ।

सिन्धुरेघारी क्याम्पसले पहिले ब्याटिङ गर्दै निर्धारित २० ओभरमा ६ विकेटको क्षतिमा १३१ रन बनायो। टोलीका तर्फबाट राजेश यादवले उत्कृष्ट प्रदर्शन गर्दै ३८ बलमा अविजित ४९ रन बनाएका थिए भने राज पटेलले २५ बलमा ३० रन जोडे। विजय रौनियारले पनि ५ बलमा ८ रनको योगदान दिए।

बलिङतर्फ मध्य रौतहटका उमेश पटेल, धर्मेन्द्र स र विक्की सुरजले समान ४ ओभर पूरा गर्दै क्रमश: १, १, र ० विकेट लिए।

जवाफमा मध्य रौतहट क्याम्पस १०.२ ओभरमै जम्मा ६३ रनमै अलआउट भयो। रवि जैसवालले ५ बलमा १२ रन, अमरेन्द्र जे. ले १७ बलमा ११ रन, र विक्की सुरजले ७ बलमा १० रन बनाए। बाँकी ब्याट्सम्यानहरू खासै टिक्न सकेनन्।

सिन्धुरेघारी क्याम्पसका बलर मोहन घिमिरेले ३ ओभरमा १५ रन दिँदै ५ विकेट लिएर खेललाई एकतर्फी बनाए। राजेश यादवले २.२ ओभरमा १४ रन खर्चेर २ विकेट लिए भने अर्बिन्द बठाले २ ओभरमा १२ रन दिँदै १ विकेट झारे।

सिन्धुरेघारी मल्टिपल क्याम्पसले यो शानदार जितसँगै ‘जय नेपाल कप’ को उपाधि जितेको हो।