सप्तरीको सुरुङ्गा नगरपालिका–३, लक्ष्मीनगरमा रु ४ अर्ब लागतमा १४ बिघा क्षेत्रफलमा ‘बिग इन्डस पदमनगर’ औद्योगिक ग्राम स्थापना गरिने भएको छ। व्यवसायी वीरेन्द्र न्यौपानेको अगुवाइमा दुई वर्षभित्र छवटा उद्योग सञ्चालनमा ल्याइनेछ।
पूर्वप्रधानमन्त्री झलनाथ खनालले परियोजनाको शिलान्यास गर्दै यसले रोजगारी सिर्जना र औद्योगिक विकासमा महत्वपूर्ण योगदान दिने विश्वास व्यक्त गर्नुभयो।
परियोजनामा ‘पल्प’ उद्योग, कोल्ड स्टोरेज, लुब्रिकेन्ट्स, सिसा तथा बोटल उद्योग, ‘बिटुमिन’ पेन्टस् उद्योग र तीन मेगावाट क्षमताको सौर्य प्लान्ट समावेश छन्।
नगरप्रमुख गीता चौधरीले उद्योग स्थापनाले स्थानीय बासिन्दा प्रत्यक्ष लाभान्वित हुने बताउँदै आवश्यक सहयोग गर्ने प्रतिबद्धता व्यक्त गर्नुभयो।
पब्लिक सूचना
