इंग्लिस प्रिमियर लिग( इपिएल) मा म्यानचेस्टर युनाइटेडले सिजनको तेस्रो जित

इंग्लिस प्रिमियर लिग( इपिएल) मा म्यानचेस्टर युनाइटेडले सिजनको तेस्रो जित हासिल गरेको छ । आठौं खेलमा तेस्रो जित हात पार्ने क्रममा युनाईटेडले ब्रेन्टफर्डविरुद्ध २-१ को जित निकालेको हो ।

शनिवार घरेलु मैदान ओल्ड ट्राफर्डमा युनाईटेडलाई जित दिलाउन अलेजान्द्रो गार्नाचो र रास्मस होएलन्डले गोल गरे । भ्रमणकारी टोलीका लागि इथन पिनोकले गोल गरे ।

खेलमा सुरुवाती अग्रता भने ब्रेन्टफर्डले लिएको थियो । पहिलो हाफको इन्ज्युरी समयमा पिनोकको गोलमा ब्रेन्टफर्डले अग्रता लिएको थियो । दोस्रो हाफ सुरु हुने बित्तिकै ४७ औं मिनेटमा गार्नाचोले युनाइटेडका लागि बराबरी गोल गरे । होएलन्डले ६२औं मिनेटमा गोल गर्दै युनाइटेडलाई जित दिलाए ।

जितसँगै आठ खेलमा ११ अंक जोडेको युनाइटेड १०औं स्थानमा छ । पराजित ब्रेन्टफोर्ड समान खेलबाट १० अंकका साथ १३औं स्थानमा छ ।