सफलता श्रेष्ठको स्वरमा ‘म हुँ नेपाली’ सार्वजनिक(भिडियो)


लेखक : admin      १ श्रावण २०७८, शुक्रबार १६:३५ मा प्रकाशित     
सफलता श्रेष्ठको स्वरमा ‘म हुँ नेपाली’ सार्वजनिक(भिडियो)

दश वर्षीया सफलता श्रेष्ठ ‘म हुँ नेपाली’ राष्ट्रिय भावको गीत लिएर स्रोता/दर्शकमाझ आउनुभएको छ । उहाँको स्वर र अभिनय रहेको गीतको भिडियो बिहीबार गोल्डेन क्रियशनको युट्युव च्यानलमार्फत सार्वजनिक गरिएको हो ।

विश्वकीर्तिमानी सङ्गीतकार सन्तोष श्रेष्ठको सङ्गीत रहेको गीतलाई सन्तोषले नै लेख्नु भएको हो भने दवेन्द्र नेवाःको सङ्गीत संयोजन रहेको छ ।

हेम प्रभास अधिकारीको निर्देशन र समिर थोकरको कोरियोग्राफी रहेको गीतको भिडियोमा सफलतालाई नै फिचरिङ गरिएको छ । अजय रेग्मीको छायाँकन रहेको भिडियोमा टेकेन्द्र शाहको सम्पादन छ ।

अनामनगरको नेपाल मेघा स्कुलमा कक्षा ६ मा अध्ययनरत सफलता गीत, सङ्गीत र अभिनय भने पछि हुरुक्क हुनुहुन्छ । यो सार्वजनिक गीत उहाँको पहिलो गीत हो । उहाँका बुबा सन्तोष श्रेष्ठ नेपालका ख्यातिप्राप्त सङ्गीतकार हुनुहुन्छ ।

सन्तोषले थुप्रै गीतमा स्वर पनि दिनुभएको छ भने उहाँले सङ्गीत गरेका गीतले विश्व रेकर्ड राख्न सफल भएका छन् । सफलताले पनि बाबुकै पदचाप पछ्याउने छनक यो सार्बजनिक गीतले दिएको छ । बाल गायिका सफलतालाई मिलापको पनि यस कार्यका लागि शुभकामना ।

Copy link
Powered by Social Snap