साताको अन्तिम कारोबार दिन बिहीबार पनि नेप्से परिसूचकमा गिरावट आएको छ। लगातार ओरालो लागेको नेप्से परिसूचक यस दिन ७.३७ अंकले घट्दै २६१२.८९ विन्दुमा आएर बन्द भएको छ।
सेयर बजारसँगै कारोबार रकम पनि घटेको छ। बुधबार ८ अर्ब ७३ करोड रूपैयाँको कारोबार भएको थियो भने बिहीबार ७ अर्ब ८ करोड रूपैयाँमा झरेको छ। यसरी कारोबार रकममा १ अर्ब ६५ करोड रूपैयाँको गिरावट आएको हो।
बिहीबार ३२० वटा धितोपत्रका १ करोड ७४ लाख २३ हजार ९४३ कित्ता सेयर किनबेच भएका छन्।
यस दिन ८२ कम्पनीका सेयर मूल्य बढेका छन् भने १६४ कम्पनीका घटेका छन्। एक कम्पनीको सेयर मूल्य भने स्थिर देखिएको छ।
ओम मेगाश्री फर्मास्युटिकल्सको सेयर मूल्य ९.९९ प्रतिशतले बढेर प्रतिकित्ता ६३६ रूपैयाँ २० पैसामा पुगेको छ। यस्तै, बलेफी हाइड्रोपावरको सेयर ८.७७ प्रतिशतले बढेर १,०४६ रूपैयाँमा कारोबार भएको छ।
दोसोतर्फ, कर्पोरेट डेभलपमेन्ट बैंकको सेयर ९.१० प्रतिशतले घटेर २,०९० रूपैयाँमा झरेको छ। जोशी हाइड्रोपावरको सेयर पनि ८.८७ प्रतिशतले घट्दै ३९७ रूपैयाँ १० पैसामा पुगेको छ।
बिहीबार सर्वाधिक कारोबार सोल्टी होटलको भएको छ। उक्त कम्पनीको ५७३ रूपैयाँ प्रतिकित्ताको दरमा ४६ करोड १९ लाख रूपैयाँ बराबरको सेयर किनबेच भएको छ। अघिल्लो दिनको तुलनामा सोल्टी होटलको मूल्य ८.२७ प्रतिशतले घटेको हो।
राधी विद्युत दोस्रो स्थानमा रहँदै ७१५ रूपैयाँ प्रतिकित्ता दरमा ४४ करोड १७ लाख रूपैयाँ बराबरको कारोबार भएको छ।
समूहगत रूपमा हेर्दा बिहीबार १३ समूहमध्ये ४ समूहको परिसूचक बढेको छ भने बाँकी ८ समूह घटेका छन्। होटल्स समूह ४.८९ प्रतिशतले वृद्धि हुँदै सबैभन्दा धेरै उकालो लाग्ने समूह बनेको छ। विपरीत, विकास बैंक समूहको परिसूचक २.२१ प्रतिशतले घटेको छ।
बजारमा निरन्तर गिरावटले लगानीकर्तामा चिन्ता बढाएको छ भने विश्लेषकहरूले स्थिरता आउन अझै केही समय लाग्न सक्ने देखाएका छन्।
